Ongi etorri ikasturte berrira!
Astelehenean ireki genizkien ateak gure ume eta gaztetxoei: urduritasuna, lagunak ikusteko grina, tutore eta irakasle berriak ezagutzeko kuriositatea, malkotxoak eta farre algarak, denetik daukagu gure korridoreetan.
Gu geu ere, horrela gabiltza: ikasle berriak ezagutu, proiektu berriak martxan jarri, lan taldeak osatu…Guztiok ikasturte berriak eskainiko dizkigun abentura berriak bizitzeko gogoz eta ilusioz. Abentura horren zati inportante bat zuek, familiak, zarete. Bidelagun nahi zaituztegu.
Irailaren 25ean, asteazkena, ikastolako jantokian arratsaldeko 4:45ean, 24-25 ikasturtearen aurkezpena egingo dugu.
Bertan etapa guztietako koordinatzaileak , ikasketa burua, laguntza gelako burua, idazkaritzako arduraduna, erasmus taldeko kideak eta jantokiko arduraduna egongo dira.
Guztiok gara ikastola eta guztiok batera urrunago iritsiko gara, boga!
PS: (Eskatzen bada, zaintza zerbitzua egongo da)