Bihar ospatuko dugu 2024ko Babajana Itxaropena Ikastolan. Gogoratzen dizuegu egun osoan zehar zozketak, erraldoiak, umeentzako jolasak, txosna eta musika izango ditugula, giroa, urtero bezala, oroitzeko modukoa izan dadin. Babak bazkaltzeko ordua 14:30ean izango da eta gogoan izan etxetik edalontzia ekarri behar duzuela, plastikozko hondakinak murrizten planetari laguntzeko.
Babajanan, aurretik aipatu dizuegun guztiaren gain, Galdakaoko Eguzkibegi Ikastolako lagunen bisita izango dugu. Haiek 2025eko Ibilaldiaren arropa eta osagarriak eskainiko dizkigute 13:00etatik 15:00ak arte, eurek antolatuko baitute Ibilaldia hurrengo urtean. Aurtengo diseinuak erraz lortzeko aukera paregabea, eta, aldi berean, Ikastolari laguntzeko modua ere izango da.
Zuen zain egongo gara bihar goizetik aurrera Ikastolan!